ايمان زيدان تكتب”عشان احنا مصر”

المصريين بجد

عشان احنا مصر ،حندفن وجعنا، ونمسح دموعنا ،وندعي عليكم يا اسوء ما بينا ،يا اقذر ما فينا، يا وصمة في جبينا، وجودكم ده عار، ورغم المرار، حننسي اللي صار، ونعند معاكم، ونفرح بعيدنا.
ميلاد المسيح، ده عيد كل مؤمن بيقرا الكتاب، يا حبة كلاب ،عقولكم خراب، قلوبكم مريضة، عماها الضباب،ومهما تحاولوا تهدوا اللي بينا حتفضل ايدينا في ايد بعض دايما محمد ومينا وفاطمة وتولين عباد رب واحد وبه موحدين ما يقدر علينا خسيس او جبان ومهما تعيدوا وتزيدوا الألام حيفضل حارقكم دوام الأمان