جمهور عمرو دياب يحذر من التذاكر المضروبة لحفل الهضبة فى كايروفيستيفال
المصريين بجد
حذر جمهور الهضبة عمرو دياب من تداول بعض التذاكر المزورة لحفله المقبل فى كايرو فيستيفال، وهى الظاهرة التى أصبحت تحدث فى حفلات النجوم، حيث يتم بيع تذاكر أقل من قيمتها بحوالى 50 جنيها ولكنها فى الأصل مزورة.
وكتب أحد النشطاء من جماهيره على أحد الجروبات التى تجمع أكبر تجمع لجماهير الهضبة قائلا: “تحذير للمرة المليون محدش يشترى تذاكر الحفله من أشخاص ميعرفهاش تحت اى مسمى أو سبب مش علشان توفر خمسين أو ميه جنيه تلبس الفلوس كلها، فى تذاكر مضروبه فى السوق حاليا كتير واليومين الجايين لما تخلص النصب هيزيد، التيكت اشتريها من تيكت مارشيه أو من شخص ثقه صديق مقرب لك ولازم يكون هيحضر الحفله معاك أو تأخده وتروح فرع الشركه فى مدينه نصر تتأكد منها وتدفع فلوسك ف الشركه وتسجلها ببياناتك، صعب تميز المضروبه من السليمه بعنيك، انا بحذر اهو وممنوع حد يتاجر بتذاكر جوه الجروب نهائيا، متضيعش فلوسك ووقتك وف الاخر متعرفش تدخل، وال مش عارف يجيب التيكت يكلمنى انبوكس أو اى حد من الادمنز وهيعرفه اماكنها، لسه واحد صحبى من ساعه شارى تذكره مضروبه وعرف بالصدفه وهو مروح دخل فرع تيكت مارشيه يتاكد منها طلعت مضروبه، علشان يوفر خمسين جنيه ضاع منه 300 “.
وتم طرح التذاكر الخاصة بحفل الهضبة عمرو دياب المقرر أن يحيها يوم الجمعة الموافق 19 يناير، فى كايرو فيستيفال سيتى فى التجمع الخامس، حيث تم تحديد سعر التذكرة بمبلغ 300 جنيه.
