المصريين بجد جمعية المصريين بجد
المصريين بجد-بسمة رمضان
اوضح الفنان رامي صبري حقيقة تسريب البومه الجديد من خلال حسابه الشخصي عبر موقع التواصل الإجتماعي ” الفيس بوك ” قائلا “صدمتى وصدمة كل الناس اللى اشتغلت على البومى الجديد لما سمعنا التسريب امبارح وبالكواليتى اللى اتسرب بيه.. نزلت امبارح بوست ان شركة اورانج هى السبب فى وصول الالبوم للمواقع بالشكل ده لكنى اكتشفت ان شركة اورانج ملهاش علاقة بالموضوع وانها بتقدم خدمة لعملائها بالاتفاق مع الشركة المنتجة انهم يكونوا اول ناس تسمع اغنيات الالبوم بتاعى قبل اى حد تانى وكانت الاغانى هاى كواليتى.. وللاسف ان بعض من اصحاب مواقع التزوير والقرصنة استغلوا الخدمة ورفعوا الالبوم وسربوه بالكواليتى السيئ اللى سمعتوه وضيعوا تعبى وتعب كل الناس اللى اشتغلت على الالبوم بقالها سنة ونص بداية من المؤلفين والملحنين وشركة مزيكا اللى انتجت الالبوم علشان يطلع باحسن شكل واحسن كوالتى وشركة اورانج اللى اشتغلت معانا وحاولت تميز عملائها وتسمعهم الالبوم قبل اى حد تانى. الناس دى بتدمر تعب ناس كتير وبتدمر صناعة كاملة.. مجهود وفلوس بتروح على الارض كم الاحباط اللى عيشته امبارح بعد لما سمعت التسريب وحسيت ان كل حاجه عملتها ضاعت فى لحظه مش انا بس كل الناس اللى اشتغلت على الالبوم.. واكرر ان شركة اورانج ليس لها علاقة بموضوع تسريب الاغانى وانها قامت بكل الجهد لتوصيل البومى للجمهور و انى اكن لها كل الاحترام والتقدير.
Facebook Comments Box
