المصريين بجد جمعية المصريين بجد
المصريين بجد -احمد علي
“عُمر الشريف” لما كان بيمثل فيلم ( في بيتنا رجل ) اختلف مع المنتج للتعاقد علي أجر اقل من “رشدي أباظة” ..
الغريب إن الفيلم يعتبر بطولة “عُمر” لكن إسم “رشدي” وقتها هو اللى كان هيجيب الجمهور .. “عُمر” كان هينسحب خصوصًا إن تغيير أجره حصل بعد ما كان أتفق خلاص ..
بس بعدها كمل تصوير الفيلم على مضض وكان بحسب كلامه في برنامج ( تجربتي ) مع ” طارق حبيب ” وبسبب الموقف السخيف ده كان في اقل درجات تركيزه وهو بيمثل
اثناء تصوير للفيلم جاء مصر المخرج الإنجليزي المعروف “ديفيد لين” في زيارة سريعة ليتابع الفنان “رشدي أباظة” ويختاره بطل لـ فيلم ( لورانس العرب ) بناءًا على ترشيحات .
دخل يتفرج على تمثيل “رشدي” أثناء التصوير فأعجب ب “عُمر” اللي كان بيمثل من غير نِفس وهو اللى يلفت نظره ويختاره بدل “رشدي” بطل لفيلم ( لورانس العرب ) ويبدأ من هنا مشوار “عُمر الشريف” في السينما العالمية !
وللقدر ترتيبات تقلب معايير البشر
