المصريين بجد جمعية المصريين بجد
المصريين بجد-ايمان زيدان
اجري بسرعة ياله قوام
الحق دور ع الافلام
كلنا خلاص وشربنا عصير
ياله نتابع قوم يا همام
برق عينك بص وشوف
حنشوف ايه الاول يا اما
ادي مسلسل
وادي برنامج
وادي مسابقة وتحلي اللمة
ادي ريموت رمضان يا سلام
وادي شاشاته وكله تمام
اول حاجة نشوف فزورة
بعده مسلسل احلي كلام
ايوه يا ماما حصلي المغرب
مغرب ايه يا حبيبي سلام
ده العشا اذن
وانت يا ولدي قاعد تايه في الافلام
حاضر ياما قايم اهوة
بس الحلقة فاضلها اهوة
همسة وتخلص قايم اهوة
ولا حتقوم ولا حتفكر
اصلك تايه قلبك غافل
ولا راح تقدر يوم تتغير
الا برأي سديد وقرار
قوم يا حبيبي وقرر صح
انك تعبد ربك صح
انك تنسي التليفزيون
وقت صلاتك كله يهون
وقت صلاتك قبل الناس
وقت صلاتك هوة اساس
انك تبقي حقيقي تمام
اوعي تفوت فرضك يا ابني
مش راح يرجع يوم بيروح
خلي صلاتك غالية في قلبك
قبل ما عمرك كله يروح
اوعي تضيع اجر صيامك
علي برنامج مش حيفيد
ولا مسلسل هايف تافه
ينقص اجرك مش بيزيد
صح كلامك انا راح اقوم
اقرا كلام الله في قرءانه
وانوي صلاتي واتم صيامي
ربنا يقبل مني الصوم
