ايمان زيدان تكتب : السند

المصريين بجد-ايمان زيدان

بيت في حارة او عمارة ولا قصر في كمبوند
مش حتفرق في الحيطان بس تفرق في السند
مين يطبطب مين يطيب مين عليهم تعتمد
مين في عز الظلمة نور يصلبك زي الوتد
مين يعديلك بحور مهما تمشي وتبتعد
مين معاك وقت ضعفك مين بيمسح دمعتك
مين في حزنك بيواسيك مين في فرحك ضحكتك
وفي طريق الالف ميل مين رفيق في سكتك
ولما بيطول الطريق مين بيأنس وحدتك
واما تشطح او تحيد مين بيعدل وجهتك
لو في بيتك كل دول تبقي انت في جنتك