أخبارمقالات رئيس مجلس الادارة
ايمان زيدان تكتب “كنت فاكرة الناس دي صايمة”
المصريين بجد-ايمان زيدان
بص شوف ايه في ايه
قولي بس الناس دي ايه
زحمة جامدة وناس بتجري
والطريق مش فاضي ليه
ناس تزعق ناس تصرخ
صوت كلكسك عالي ليه
قولي يا رايح هناك
هية مالها الناس في ايه
قالي مالك ايه في ايه
انتي نايمة ولا تايهه ولا ايه
قلتله طب قولي بس
يمكن افهم ولا اعرف ولا احس
قالي دي ساعة فطار
وانتي شايفة الجو نار
كلنا عايزين نطير
قبل ما يروح النهار
قلتله له اه خدت بالي
اه نسيت مش عارفة مالي
كنت فاكرة الناس دي صايمة
والصيام بيقول يا غالي
قدر اللي ماشي جنبك
واحترم امر اللي خلقك
الصيام مش حس عالي
مش زعيق وخناق في شارع
ولا زحمة في الشوارع
خلي اخلاقك تدلك
والصيام يصفي نفسك
وافتكر حديث رسولك
خلي غضبك جوة نفسك
تستحق عفو ربك
Facebook Comments Box
