المصريين بجد جمعية المصريين بجد
رضا الشربيني -المصريين بجد
بادرت جمعية المصريين بجد الي تبني مبادرة رجل الاعمال المصري المقيم بالصين الأستاذ ماهر زكي والتي عرضها لحل مشكلة البطالة وتنمية المشروعات المتوسطة والصغيرة من خلال صفحته علي الفيس بوك .
وصرحت الأستاذة إيمان زيدان رئيس مجلس أدارة جمعية المصريين بجد أن الجمعية تبنت الفكرة إيمانا منها أن المضي في طريق التنمية لن يتم إلا من خلال خلق فكر استثماري تنموي جديد يؤمن بالمشروعات المتوسطة و الصغيرة ويؤمن بالتصنيع بدلا من الاستيراد ولن يتحقق هذا إلا بالخروج من دائرة الافكار العادية بالأضافة الي ضرورة ايجاد طريقة لإعادة المصانع المغلقة للحياة وتوفير المواد الخام وتسهيل قوانين الاستثمار في الكيانات الصغيرة
وأشارت إلي أن مهمة الشباب هي النحت في الصخر والبحث عن أفكار جديدة خارج الصندوق وليس إستسهال فكرة العمل الحكومي المضمون أو السعي للغربة واللهث وراء مغادرة الوطن
وقالت أن شعار (هاجر جوة بلدك) جاء تأصيلا لكلمة الرئيس عبد الفتاح السيسي أمس والذي أشار فيها ان البلد أولي بشبابها فجاء شعار المبادرة متزامن مع الخطاب وأعلنت أنه سوف يتم التواصل من خلال الجمعية وموقع جريدة المصريين بجد وسوف يتم الإعلان قريبا عن مؤتمر صحفي بحضور الأستاذ ماهر لشرح التفاصيل
ومن الجدير بالذكر أن الاستاذ ماهر زكي قد نشر علي صفحته علي الفيس بوك أمس فكرة لعرض خدمات شركته بالصين لتقديم مشروعات للشباب بدلا من السفر لأوربا نشرت أمس بعنوان
مصري مقيم بالصين يعرض خدمات شركته علي شباب مصر بدلا من مسح حمامات أوروبا جاء فيه
“انا المواطن ماهر زكي
اتقدم لشباب مصر العظيم بفكره بسيطه اذا ارادوا
كل 10 اشخاص يجمعوا رأس مال مشروع .. كل شخص 40 الف جنيه
يعني الاجمالي 400 الف جنيه .. كونوا شركة بينكم و اتفقوا على مشروع مصنع معين
سأتواصل معكم .. ارسلوا لي مندوب عنكم
سأقوم بالاتصال بمصانع الماكينات و عمل الطلبيه و فحص الماكينات و تجربتها و شحنها لكم في مصر و استخراج كافة الاوراق .. بالمجان دون تحميلكم اية مصاريف
و شركتي على استعداد لاستقبال من سيعمل على الماكينه في مصر لتدريبهم في مصنع الماكينات و سنلزمهم بذلك و هذا دور شركتي هنا في الصين وانا مسؤول عنه .. بالمجان
فقط جمعوا رأس المال و اسسوا شركة في اي منطقه صناعيه لتحصلوا على اعفاءات جمركيه في الماكينات و مواد الانتاج .. و ابدأوا .. و الله معكم و من بعده انا و كل شركتي .. بالمجان
و اذا احتاج المشروع لمكونات انتاج ستقوم شركتي ببشراؤها لحسابكم نيابة عنكم بدون ان يأتي اي احد الى الصين توفيرا للمصروفات نشتري مكونات الانتاج و نفحصها و نرسلها لكم و نستخرج لكم الاوراق.. و ذلك ايضا كله بالمجان
مبلغ 400 الف جنيه كمبلغ بداية لتصنيع هو مبلغ ليس قليل و من الممكن ان يحقق عوائد طيبه و ان يعود رأس المال في مده اقل من سنتين بالكامل اذا اخلص اصحاب العمل و ركزوا في عملهم و بذلوا جهد اقل من الجهد الذي سيبذلونه في مسح حمامات مطاعم اوروبا.
هذا العرض اقدمه لآولاد بلدي خدمة لبلدي و ارضاء لله تعالى
في انتظار اول 10 شركاء .
واستطرد في اليوم التالي قائلا
استكمالا لمنشور الامس عن المصانع خلينا نعطي مثال علشان يكون الموضوع واضح للجميع خلينا نقول ان فيه شاب عنده فكره مشروع تصنيع و لكن مسألة السيوله و المعلومات معطلينه .. الشاب ده عليه انه يجمع 9 شباب معاه و يعرض عليهم الفكره و يكون حد ادنى نصيب كل شريك في الشركه 40 الف جنيه بإجمالي 400 الف جنيه .. و الشرط الاساسي ان ال10 شباب هم اللي يشتغلوا بإيديهم في المشروع و مايجيبوش عماله من بره و يعملوا فيها اصحاب مصنع … يقسموا نفسهم ناس واقفه على الانتاج و ناس شغلتها الصيانه و ناس شغلتها البيع و التسويق .. لما يتفقوا العشره مع بعض على المشروع … يروحوا لهيئة التنميه الصناعيه يقولوا لها احنا عايزين نعمل مصنع كذا و محتاجين نأجر عنبر مساحة و ليكن 250 متر .. هيئة التنميه الصناعيه عندها مصانع فاضيه في كل المناطق الصناعيه على مستوى الجمهوريه بالايجار و بيدللوا على اللي يروح لهم .. لما الهيئه تخصص لهم المكان المطلوب يأسسوا شركه مابينهم . يبدأوا في التواصل معايا .. يقولوا لي هم عايزين ينتجوا ايه بالظبط .. شركتي هنا في الصين هاتشرح لهم ايه نوع الماكينات المناسبه لهم في البدايه .. و بعدين تحدد لهم التكلفه بالكامل من اول خطوه حتى انتاج اول منتج من المصنع .. بدون مقابل بعد كده العشره هايرسلوا الشخص اللي هايكون مسؤول عن صيانه خط الانتاج في المصنع ( شريك ) ستقوم شركتي بتقديم اكثر من عرض له و اللي يناسبه هانذهب معه للمصنع و نشتري له خط الانتاج و يتدرب عليه انتاج و صيانه .. و لو احتاج بعض لوازم الانتاج اذا كان العمل سيحتاج لوازم انتاج من الصين هانوفر له مصادرها .. و كل تعامله المادي سيكون مع المصنع مباشر بضمان شركتي.. هذا كله بدون مقابل. ستستلم شركتي خط الانتاج و تقوم بفحصه و تجريبه و التأكد من مواصفاته ثم تقوم بشحنه لمصر و استخراج كافة الاوراق اللازمه .. هذا كله ايضا بدون مقابل. واحد هايسأل و يقول طب مشروع زي ايه اللي ممكن مبلغ زي ده ينفع فيه .. اقول لك ياسيدي اعمل مصنع زرار .. مصنع خيط .. مصنع ابر خياطه .. مصنع سوسته .. مصنع كيس بلاستيك لتغليف الملابس .. مصنع ورق الكرتون اللي بيتغلف بيه القميص او التي شيرت.. مصنع احذيه .. مصنع رباط احذيه .. مصنع نعل احذيه .. مصنع علبه احذيه .. مصنع فرشة احذيه .. مصنع مفصلات باب و شباك .. مصنع مفصلات مطابخ .. مصنع قلم رصاص .. مصنع قلم الوان .. مصنع قلم جاف .. مصنع دوسيهات و ملفات بلاستيك و حافظات ورق.. مصنع شنطة مدرسه .. مصنع شنطه حريمي .. مصنع حزام رجالي .. مصنع احذيه رياضيه .. مصنع اقفاص بلاستيك للخضار .. مصنع ولاعات فاضيه بدون غاز .. مصنع كرسي مكتب .. مصنع شاحن موبايل .. مصنع مكاتب .. مصنع كي بورد كمبيوتر .. مصنع ماوس كمبيوتر .. مطبعه ملابس .. مصنع كراتين .. مصنع كرسي بلاستيك .. مصنع اطباق بلاستيك و ميلامين . كل دي و غيرها مئات المشاريع مش موجوده و لو موجوده في مصر مابتشتغلش بحرفيه و لو بتشتغل بحرفيه مابتكفيش احتياجات السوق المصري. يارب تكون الفكره كده وضحت في انتظار اول 10 شركاء
