مشادة وضيعة بين ريم البارودي وسما المصري بسبب ريهام سعيد
المصريين بجد
دخلت ريم البارودي في مشاجرة مع الراقصة سما المصري، بعد أن سخرت الأخيرة من دفاعها عن ريهام سعيد، والتي تم اتهامها بالتحريض على خطف أطفال.
بعد أن دافعت ريم عن صديقتها ريهام على حسابها على “انستجرام”، أبدت سما استيائها من دفاع ريم عن ريهام، وأمطرتها بالتعليقات على هذا المنشور، مما أثار استفزاز ريم بشدة، وقامت بعمل “بلوك” لسما، وقالت: “أنا ميشرفنيش انك تتابعيني علشان كده عملتلك بلوك وربنا يكفينا شرك لانك مش مع ريهام كده بس.. هو ده مستواكي”.
سما نشرت صورة من تعليقات ريم على حسابها على “انستجرام”، وعلقت عليها بقولها: “عاااجل.. ريم البارودي تحزن علي حبس صديقتها ريهام سعيد وتقرر لبس الاسود مدي الحياه وانها هتاخد لها عيش وحلاوه ف السجن مش هتاخد غير حلاوه الرشيدي من الغاليه لان ريهام هي اللي كانت بتجيب بتوع الجن والعفاريت لريم عشان احمد سعد يرجع لها بعد ماسابها وحيده شريده وراح للمزه سميه الخشاب”.
وأضافت: “طيب لما انتي جامده كده وبتشتميني ماكنتيش تعملي بلوك غير لما اروقك قدام صحابك.. انتي ياوليه مايشرفكيش اكون متابعاكي ؟؟ دا انا ماعرفتكيش غير لما احمد سعد سابك فقلت اتابع الاكونت بتاعك لقيت صور ليكي عجبتني وانتي بتعيطي علي احمد فدموعي نزلت عليكي وتراني تأثرت من هول الموقف…دا انتي بتمثلي بقالك 18 سنه من سنه2000 واول مره اسمع عنك ايام موضوع احمد سعد”.
وتابعت: “بصراحه حقه احمد سعد يروح لسميه ويسيبك ومن ساعتها وانتي ياعيني تعبانه ماهو اللي يصاحب بتاعت العفاريت مايعشلوش رجاله وصح انا مش مستواكي انتي مستواكي ريهام خطافه العيال خلي بالك ممكن يجيوا يفتشوا عندك ولو لقيوا عيل من العيال اللي خطفتها ريهام هتبقي مشكله واحمد سعد مش هيعبرك ولا هيقف جمبك…لو عندك عيل داريه بسرعه انتي حره.. معلش لما ريهام تخرج من السجن هتوديكي لبتوع العفاريت يعملولك عمل تبقي ذي الفل.. اه يا صاحبه خطافه العيال”.
وكانت ريم البارودي دافعت عن ريهام سعيد، بقولها: ” انا بتكلم عن الإنسانة الصديقة اللي اكلت معاها عيش وملح وعشرتها بقالي ٧ سنين ماشفتش منها غير كل خير وحب ووقفت معايا في ظروف قاسيه جدااا بعيد عن الكاميرات والتصوير والمجاملات واخترت اصور الحلقة معاها لإنها تعرف كتير عن حياتي الشخصية وكانت اكثر خوف مني عليا والحمد الله كانت امينه معايا جدا عكس الاخرون واتعرض عليا برامج كتيرررر ساعتها وكنت في حاله صعبه وبيها وبكل صديقاتي وبيكم من كل انحاء الوطن العربي عديت الازمه المهم صورت واتفاجات بكرو صبايا الخير البرنامج الكبير اللي قدر يساعد في علاج أطفال كتير عن طريق التبرعات وصورنا شهر مايو”.
وتابعت: “انا حزينه عشان الناس المريضة نفسيا بقيت حولينا كتير كل الاحترام ولا تعليق ولا تعقيب علي أحكام النيابه بس الحكايه لسه مخلصتش ارجو الدعاء لي ام ل بنت وولد ما شاء الله علي التربية واخر العنقود الطفل الرضيع ٤ شهور وصديقه صدوقه واعلاميه حاصله علي ماجستير في الاعلام وان شاء الله الكلمة الأخيرة للقضاء المصري النزيه #جربت تكون ريهام سعيد”.
