“دكتور ايهاب عمارة يوضح كورونا الداء والدواء”
المصريين بجد
دكتور ايهاب عمارة استاذ الميكروبيولجي جامعة عين شمس
الحقيقه : فيروس كورونا المستجد (كوفيد 19) تحت الميكروسكوب الإلكتروني
فيروس شبيه بفيروسات الإنفلونزا وقريب جدا من السارس
كورونا هي سلالة واسعة من الفيروسات التاجيه
فيروسات كورونا تسبب لدى البشر أمراض تنفسية تتراوح حدتها من نزلات البرد الشائعة إلى الأمراض الأشد مثل متلازمة الشرق الأوسط التنفسية (ميرس) والمتلازمة التنفسية الحادة (سارس).
ويسبب فيروس كورونا المُكتشف مؤخراً مرض كوفيد-19.
ما هو مرض كوفيد-19 وأعراضه؟!
مرض كوفيد-19 هو مرض معد يسببه آخر فيروس تم اكتشافه من سلالة فيروسات كورونا. (كما هو بالصورة)
تتمثل الأعراض الأكثر شيوعاً لمرض كوفيد-19 في الحمى والإرهاق والسعال الجاف.
وتشمل الأعراض الأخرى الأقل شيوعاً ولكن قد يُصاب بها بعض المرضى: الآلام والأوجاع، واحتقان الأنف، والصداع، والتهاب الملتحمة، وألم الحلق، والإسهال، وفقدان حاسة الذوق أو الشم، وظهور طفح جلدي أو تغير لون أصابع اليدين أو القدمين.
وعادة ما تكون هذه الأعراض خفيفة وتبدأ بشكل تدريجي. ويصاب بعض الناس بالعدوى دون أن يشعروا إلا بأعراض خفيفة جداً.
ويتعافى معظم الناس (نحو 80%) من المرض دون الحاجة إلى علاج خاص.
ولكن الأعراض تشتد لدى شخص واحد تقريباً من بين كل 5 أشخاص مصابين بمرض كوفيد-19 فيعاني من صعوبة في التنفس.
وتزداد مخاطر الإصابة بمضاعفات وخيمة بين المسنين والأشخاص المصابين بمشاكل صحية أخرى مثل ارتفاع ضغط الدم أو أمراض القلب والرئة أو السكري أو السرطان.
وينبغي لجميع الأشخاص، أيا كانت أعمارهم، التماس العناية الطبية فوراً إذا أصيبوا بالحمى و/أو السعال المصحوبين بصعوبة في التنفس/ضيق النفس وألم أو ضغط في الصدر أو فقدان القدرة على النطق أو الحركة.
ويوصى قدر الإمكان، بالاتصال بالطبيب أو بمرفق الرعاية الصحية مسبقاً (رقم : 105).
👌اتصرف ازاي علشان احمي نفسي وأهلي 👌 وأعمل إيه لو اتصابت ب فيروس كورونا؟!
كل المفروض تعمله:
1- نظف اليدين باستمرار بفركهما بمطهر كحولي أو غسلهما جيداً بالماء والصابون (هتلمس أي حاجه تغسل ايديك)
2- عند السعال والعطس، احرص على تغطية الفم والأنف بمرفقك المثني أو بمنديل ورقي، وتخلص من المنديل بعد ذلك فوراً واغسل يديك (ابعد ايديك عن العين والأنف والفم).
3- تجنب الاقتراب من الأشخاص المصابين بالحمى والسعال
واترك مسافة بينك وبينهم والبس كمامة.
4- إذا كنت مصابا بالحمى والسعال وصعوبة التنفس، التمس العناية الطبية مبكراً (اتصل ب 105 وروح المستشفي وانت لابس كمامة وجوانتي ).
👈 مبدأيا لازم تعرف حاجة مهمة جدا : ان الكورونا دلوقتي بتنقسم طبيا لنوعين ،،
1. كورونا غير مرتبطة بالتهابات رئوية(حوالي ٩٠% من الحالات)
2. كورونا مرتبطة بالتهابات رئوية (اقل من ١٠٪ من الحالات)
طيب انا كشخص عادي افرق بينهم ازاي ؟!
1. النوع الأول : بيكون الفيروس فيه مش مأثر على الرئة و مفيش اعراض تنفسية ،، اللي هي ايه ؟!
( 🔺 كحة – وجع بالصدر – ضيق في التنفس – نهجان مع اي مجهود او بدون – او حرارة عالية جدا مبتنزلش و مش بتستجيب لخوافض الحرارة – همدان شديد و تكسير)
مفيش الاعراض دي – سنك اقل من ٦٠ سنة – مفيش امراض مزمنة :
يبقى انت ان شاء الله في الأمان ،، حتى لو فيه سخونية – رشح – التهاب في الزور – فقدان في حواس الشم و التذوق – اسهال – الم في الأذن و غيرها من الاعراض
⛔️ يبقى تعمل ايه ؟!!
ولا حاجة ،، ،، ولا حاجة ازاي يا دكتور ؟!!
ايوه ولا حاجة ،، تعزل نفسك في البيت مع سوايل كثيرة وراحة و مسكنات عند اللزوم اذا احتجتها.
✋ انت مش محتاج علاج اصلا و كل البروتوكولات العالمية بتقول كده ،، و طبعا مش محتاج مستشفى عزل ،، اصلا الرعاية اللي هتلاقيها في البيت هتكون بالتأكيد افضل ١٠٠ مرة و هتساعدك انك تتخطى الدور ده و كمان هتحميك من التعرض لجرعات اضافية من الفيروس (viral load) من المرضى التانيين
ه————————————————ه
2. النوع التاني : في اعراض تنفسية
( 🔺 كحة – وجع بالصدر – ضيق في التنفس – نهجان مع اي مجهود او بدون – او حرارة عالية جدا مبتنزلش و مش بتستجيب لخوافض الحرارة – همدان شديد و تكسير )
ساعتها لازم طبيب متخصص يشوفك ،، هيكشف عليك
و المفروض يشوف علاماتك الحيوية و يعمل لك :
أ- اشعة عادية على الصدر او مقطعية زي ما يحدد هو
ب- صورة دم كاملة و معاملات تجلط
لو كويسين تماما و مفيش عوامل خطورة متعلقة بالسن او بامراض مزمنة ،، هتتعامل معاملة النوع الاول ،، مفيش علاج من اي نوع و راحة و عزل بالمنزل مع المتابعة
لو فيهم مشاكل الدكتور ساعتها بيحدد محتاج متابعة – يبدأ معاك علاج و تروح بيتكم – او محتاج حجز في المستشفى ،،
شوفتم بقى اكتر من ٩٩٪ من الحالات مش بتحتاج مستشفى اصلا – و مش معنى مريض كورونا يبقى لازم مستشفى ،، احنا تخطينا المرحلة دي من شهر فات على الاقل
طيب لو حضرتك عازل نفسك في البيت امتى تحتاج تروح لدكتور تاني يشوفك ؟!
1. ظهور الاعراض اللي قولنا عليها و مكنتش موجودة
( 🔺 كحة – وجع بالصدر – ضيق في التنفس – نهجان مع اي مجهود او بدون – او حرارة عالية جدا مبتنزلش و مش بتستجيب لخوافض الحرارة – همدان شديد و تكسير )
2. الاعراض بتسوء مع الوقت خصوصا الم الصدر و النهجان
3. مفيش بدايات تحسن بعد ٥ ايام
4. اعراض لسه موجودة بعد ١٠ ايام
5. اسهال شديد و اعراض جفاف
6. بقع على الجلد – نزيف تحت الجلد
7. اضطراب في درجة الوعي او هلوسة
👈 علي المستشفي علي طول بدون اي تأخير (وانت لابس كمامة وجوانتي).
الأهم من كل ده حافظ علي نفسك علي قد ما تقدر
الكمامة أمان ليك ولأقرب الناس ليك
#خليك_في_البيت خلاص قربنا نعدي بسلام ولو هتنزل تشتغل أو تركب مواصلات لازم تاخد احتياطاتك وتلبس كمامة وابعد عن السلامات والمصافحة والعناق والقبلات (أمن نفسك).
