الشاعر جمعة الحشانى الجازوى: قصيدة للجيش المصري البطل بمناسبة انتصارات اكتوبر
حجازى صلاح-المصريين بجد
الجيش اللي حطم بارليف – كثيف امخيف – قوي بالكل كي حد السيف
الجيــــش اللي يزهي الخاطر – ايشــــــــــرف له تاريخ شهير
من احمس للــــوقت الحاضر – الجيش المصري جيش خطير
قهرغــــــــــــــازية وماانقهر – علـــي شعبة وعالوطن غفير
الجيـــــش المصري به نفخر – الجيــــــش المصري له تقدير
الجيــــــــش المصري ياقادر – اتكــــــــون ابجنبة دوم نصير
الجيــــش المصري عندا سر – من الله العــــــــــــــالي القدير
الجيـــــــش المصري مايقدر – عــــــــــــدو يدناه ويلحظ خير
الجيـــــش المصري مايقصر – ايجيـــــــب النصرة في لاخير
الجيــش المصري جيش اكبر – اكبـــر من يومة موش صغير
ومايوحل فـــــــــي ايهود كفر – وحتــــــــي في الخاين لاجير
الجيــــــــش المصري مايعثر – الجيـش المصري جيش خبير
كـــــــــــــواسر والحال ايعبر – ويعكــــس صورة شعب ندير
المصـــــري والمصري نادر – الشعــــب المصري هل تدبير
الشعــــــــب المصري المفكر – الشعـــب المصري لا مايحير
وطلـــــــــــــع مامن مستعمر – ابثـــــــــــورات ودارن تغيير
ابجيـــــــشة اللي ديما حاضر – الشعــــــــب اللي يبيه ايصير
الشعـــــب المصري هوالامر – الشعـــب المصري هوالمدير
الشعـــــب المصري هوالثاير – ايعلـــــــــم في الناس التثوير
المصــــــري تاريخة امسطر – اموضـــــــــــح مايبي تفسير
الشعــــــــــب انقال الله واكبر
ايجيه كثيف – الجيش اللي هو درع وسيف
الجيــــــــــش اللي ديما ظافر
النصر حليف – الخيراجنود الله اللطيف
الجيــــش المصري يوم عبر
مووش ضعيف – كواسرعالحرب مواليف
ـــــــــــــــــــــــــــــــــــــــــــــــــ
الجيـــــــش اللي حامي لبلاد – زمــــــــــان وتوا وقاعد دوم
حما شعــــــبا من هاالاوغاد – اللــــــــــي هم فتنة جيل اليوم
اللـــــــي هما عا الدين ابعاد – اللـــــــي هم راه اجنود الروم
اللـــــــــي هما للغرب ازناد – وقاصــــــــــدين الامة بعموم
كلامــــــي موش كلام كساد – كلامـــــــــي من كثرة لهموم
اللـــــــــــي دالن جملة لعباد – اللــــــــي صايم وللي مفطوم
الشعــب المصري نقصدزاد – الثايرمطلـــــــــــــوبة مفهوم
يزيل علــــــــي وطنة حساد – اللـــــــي جللوعالشعب النوم
اللــــــــــي قبل ابكثرة لحقاد – ألا باعـــــــونا برخص سوم
ولاكن كيــــــف المولي راد – نفـــــــــــايح من الحي القيوم
وضعهن وسط اجواف اولاد – اقوا فرســــــان اشداداعزوم
دعو والتمــــــــو في الميعاد – نهــــــــــــاية ستة جملة كوم
ونادوالسيـــسي ابروحة جاد
طلب تكليف – الشعب وفيسع جوه لفيف
الشعــــــــب اللي عانا لنكاد
وشي عنيف – اطمانوابفزعة جيش نظيف
ــــــــــــــــــــــــــــــــــــــــــــــــــــــــ
مع تحياتي لهذا الجيش العظيم
الشاعر // جمعة الحشاني الجازوي
