السيسي للمصريين: “لما أجي أخرجكم من العَوَز تعملوا هاشتاج ارحل يا سيسي”
المصريين بجد
وجه الرئيس عبدالفتاح السيسي، عدة رسائل إلى الشعب المصري خلال كلمته في ختام جلسة “استراتيجية بناء الإنسان المصري” ضمن فعاليات المؤتمر الوطني السادس للشباب بجامعة القاهرة، اليوم السبت.
وقال الرئيس السيسي، موجهًا حديثه للمصريين: “لما أجي أخرجكم من العوز ونبقي أمة ذات شأن بفضل الله سبحانه وتعالى.. تعملوا هاشتاج أرحل يا سيسي”
وتابع السيسي: “إحنا مستعدين ندفع فاتورة إصلاح ده ولا لا؟ إنتم عايزين تعليم حقيقي ولا عايزين ولادكم يبقى معاهم شهادات وبس؟ لو عايزين تعليم حقيقي دي رحلة طويلة وقاسية، وفيها معاناة مش على قد الدارس أو الطالب لا ده أسرته كمان”.
وأضاف السيسي: “لما نيجي نتكلم على الخطاب الديني، أنتم خايفين نضيع الدين، واللي احنا فيه دا.. هل هناك أكثر منه ضياع للدين؟.. أريد أن أقول عندما يكون فكر أمة مبني على الحرب، والحرب استثناء، ولما يكون الفكر اللي مبني كله لأمة ما هو الحرب فقط، يعني خلال الـ200 سنة الماضية على الأقل فهمهم لدينهم على إن الحرب هي الاصل والاستثناء هو السلام”، متسائلا: “معقول في فهم ديني كدا؟.. فانتم خايفين من إصلاح الخطاب ليضيع الدين.. طيب هو أنتم اللي فيه دا في اكثر من كدا“.
