“الراقص مع الكلاب” لـ”on live”: الكلاب أحسن من أهلى ومرات ابويا وبيدفعوا عن أصحابهم
المصريين بجد
روى الطفل عبدالرحمن “الراقص مع الكلاب”، قصة معاناته مع أسرته وزوجته أبيه التى وصلت به إلى الجلوس فى الشوارع، قائلا “أبويا اتجوز واحدة ثانية بعد ما أمى توفت ولكن مرات أبويا كانت وحشة وبسببها أنا طلعت من البيت لأنها كل شويه تضرب فيا وفى أخواتى”.
وأبدى “عبد الرحمن” فى لقاء بكاميرا برنامج “صباح أون”، مع الإعلامية أسماء يوسف، على قناة on live، حزنه من طاعة والده الشديدة لزوجته السيئة مع أبنائه، مضيفا “أبويا بيسمع كلامها وبيحبها قوى مش عارف ليه!، ومنذ اللحظة التى دخلت فيها بيتنا وهى تتشاجر مع زوجة عمى”، مؤكدا أنها كانت السبب فى نشوب خلافات ومشاكل بين أبيه وأعمامه.
واعترف الطفل عبدالرحمن “الراقص مع الكلاب”، أنه من ترك المنزل وليست زوجة أبيه من طردته، قائلا “أنا اللى سبت البيت وهى اصلا مش عايزينى فى البيت ومرة طردنى من البيت”، لافتا إلى أنه وقت هروبه من المنزل كان فى الصف السادس الابتدائى منذ 3 سنوات وأنه كان متميز فى دراسته ولكنه لم يعد يجيد شيء الان فى التعليم.
وعن حبه للكلاب، قال “عبد الرحمن”: “البيت احسن بالنسبة لى من الشارع ولكن انا حبيت اقعد مع الكلاب لأنها كانت احسن من مرات ابويا.. وأنا بحب الكلاب كأنهم اهلى وهما أحسن وبيدفعوا عن أصحابهم وكل مرة اتخانق يدفعوا عنى ولا يتركونى”.
وتابع: “انا شغلى دلوقتى إنى أساعد فى ركن العربيات، وفى الليل بسهر مع الكلاب وأنا بقالى 3 سنين فى الشارع.. وشايف انى اشتغل احسن واركن العربيات واقعد ارسم”.
ووجهت الإعلامية أسماء يوسف، الشكر لمؤسسة اليوم السابع على الاستجابة بشكل كبير للتعاون فى حالة الطفل عبد الرحمن، مشيدة بتبنى “اليوم السابع لقصة الطفل عبد الرحمن “الراقص مع الكلاب” وشقيقه فى الحصول على منزل وفرصة تعليم جيدة.
