اللي عنده ام عايشة 

شعر سلوى محمود-المصريين بجد نيوز
القاهرة

اللي عنده ام عايشة ………..كل يوم بيعدي عيد.
اللي عنده ام عايشة ……..كل يوم عايش سعيد.
يكفي بيصبح عليها…………ولا حتى يبوس ايديها.
يومه اصلا يبتدي…………………لما بتفتح عينيها.
يحكي عل اللي بيجرحه………..دعوة منها تريحه.
المشاكل تبقى تافهة……….وجودها بس يفرحه.
اللي عنده امه عايشة..لسة ماعرفشي القساوة.
لسة ماعرفش الليالي ………….لما تتقل وبغباوة.
مش حامل هم الليالي…..اللي جاية واللي فاتت.
عمر مايخطر بباله………. ييجي يوم ويقولوا ماتت.
لسة مش عارف حياته حتبقى ايه………………..
لسة مش حاسس حيكبر قد ايه………………….
لما تبعد من حياته……………………حينسى ذاته.
وباقي عمره حينسرق……………. من بين أيديها.
الالم حيعيشه حالة………..والفرح يبقى استحالة.
يبقى كائن بس شاعر…..بالريموت مش بالمشاعر.
يعني آلة
يومها يعرف يعني ايه………………..انه برة حضنها.
يومها يحسد التراب …………….اللي حاضن قبرها
يومها يعرف الوشوش ……..الي كات حاجباها عنه.
يومها برده راح تموت…………..الف حتة كبيرة منه.
اللي عنده امه عايشة………………. لسة عايش.