/ / / / عم بهلول بتاع الفول ....وسيادة المسئول - المصريين بجد
الرئيسية / مقالات / عم بهلول بتاع الفول ….وسيادة المسئول

عم بهلول بتاع الفول ….وسيادة المسئول

12187675_10207843833873302_5754959300787297091_nترررن تررن …ترررن تررن
الو…..مين..
ايوة يا بنتي …عم بهلول بتاع الفول ..اخدو عربيته …ماتعرفيش حد في الحي يرجعهاله ..حيوقفوا حاله 21 يوم وده راجل علي قد حالة …حرام حاضر …حسأل …وارد عليك
في اللحظة الاولي ننظر الي الحالة الانسانية ونتبع الحل السهل والطبيعي (شغل الفهلوه) وهو البحث عن احد له اتصال باحد مسئولي الحي لمحاولة اخراج العربية بصورة ودية او برشوي مالية علي قد حال عم بهلول..ده الحل الطبيعي اللي بيفكر فيه الكل نتيجة لكل العوامل اللي احنا عارفينها من حالة اقتصادية خربانة وقوانين جامدة وتراخيص اما صعب الحصول عليها، او يخشي اصحاب المهن البسيطة من الحصول عليها خشية الاصطدام بتكاليف الترخيص من ضرائب وتأمينات وشهادة صحية والتزامات مالية تجاه خزينة الدولة.ولكن بعد لحظات توقف وتفكير ….انها المعضلة ما بين ارزاق الناس الغلابة …ومظله العمل الرسميهل نترك عم بهلول واقف سداح مداح كدة من غير ضابط ولا رابط مع نفسه وممكن يكون ماثر علي واحد تاني فاتح محل ودافع ايجار الشئ الفلاني ونور ومياة وعمال اوعامل اشغال للطريق او ازعاج للناس .ولا نعامل عربية الفول علي انها محل وجبات سريعة شعبية (تيك اواي ارضي)يعني علي ان يتم استصدار ترخيص وشهادة صحية ورقم تأميني وبطاقة ضريبية ….؟فجاة كدة وانا بكتب قولت اسأل في صفحات العم جوجل فوجدت اخبار عن قرار المسئول استصدار تراخيص لعربات الفول (توارد افكار مسئولين بقي)علي ان يتم تقديم الزيت والخبز المدعم لهم شرط ان يخفضوا الاسعا ر.ويلتزموا بلون محدد للعربات …يا فرحتي.طبعا الزيت والخبز المدعم وانابيب الغاز حيكونوا تبعا لتقدير المسئول اللي طبعا مش ساكن في المقابر ولا العشش ولا المساكن الشعبية وما يعرفش ان لسة في بجنية فول وب75 قرش طعمية فحيوحد الاسعار علي مستواه الهاي مش مستوي الغلابة اللي مش هاي والاسعار اللي حيحددها قيمة الترخيص والضرائب والتامينات ومصاريف الرشاوي اللي حيفتحها علينا باب الخبز والزيت المدعوم والذي منه…وبكدة حنلاقي الدعم تسبب في رفع الاسعار بدل ما يخفضها وناكل طبق الفول ب10 جنية ع العربية ….صباح الفل يا سيادة المسئول .في حاجات كدة دايما بتخيل ان احنا لو سبناها في حالها حيكون حالها افضل ….الترخيص لازم يكون تكلفته معقوله وسيبوهم هما يشترو زي ما بيشترو …تبع سعر السوق وريحونا من سرقة المدعوم وفتح الدرج ….علي ان يتم تحديد اماكن وقوفهم بتنسيق وزارة التموين مع الاحياء المختلفة عشان ما يحصلش ازدواجية ونلاقي المسئول مش عاجبه قرار زميله المسئول فتيجي علي دماغ عم بهلول….وورخصو العربية عشان ترحموه من الارضية والاتاوات وراقبو بس نظافة الفول ونظافة وصحة عم بهلول واعملو حسابكم في تأمينه لما يقضي سنين حياته الستين علي عربيته …..وسيبوة هو يحدد الاسعار تبع العرض والطلب وكل منطقة وليها ناسها وكل عربية ..وزبونها عارف مقاسها……وان خلص الفول عم بهلول مش مسئول…. واللي عاجبة الكلام يسمع واللي ما يعجبوش كأنة كلام عليه يمر وما يسمعوش

ايمان زيدان-المصريين بجد

Facebook Comments Box

شاهد أيضاً

سميحة المانسترلي تكتب “مخاطر الإنترنت و الأمن القومـــى و كيفية التعامل “مقال تمهيدي (1)

المصريين بجد-سميحة المانسترلي أصبح إستخدام (الإنترنت) ضرورة من ضروريات حياتنا الآن، نستخدمه معظم الوقت، سواء …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Verified by ExactMetrics